一品雞煲火鍋

Open Now

Now Closed

趁老細放大假，同一班同事收工去食一品呢間分店唔知點解冇咁多人等，入到去仲有空位，Nice!我地叫左個小辣既雞煲，之前食過小辣同中辣，發現小辣係比較入味，而中辣就岩鐘意食辣既朋友啦。個雞煲好足料的，最正係好多雞塊都好大舊，食落啖啖肉。炸午餐肉當然係必食的，佢個外皮煎到金黃色，外脆內軟，一上枱我同另一女同事已經偷食左。魚皮餃、豬潤、芝士丸等都係必點，我特別鐘意食雞煲時食埋魚皮餃，個餃皮會吸哂d汁，好惹味！蝦滑、墨魚滑都係必點，味道中規中矩啦。但得一個匙更仔，有多個會更好呢。點左隻貴既牛肉，味道果然對得住佢個價，食落一d都唔覺肥，口感滑，肉質好嫩，唔覺唔覺就食左兩碟。