紫來坊素食料理 (Closed)

同男友協定每個月要食一餐素食,保護地球,又可清下腸胃,令自己健康d。店舖小小的,位置有點迫,不過就溫馨d。睇左一陣餐牌,有二人餐,不過又無乜特別,所以散叫。不過我地都決定唔到食咩,就問下呀姐有咩介紹。佢就介紹左梅醬荔芋鴨,蛋花鮮枝竹浸莧菜同啫啫雞煲畀我地。不過我地怕食唔晒,所以點住兩樣先....最後都係唔夠食...就點多個牛玉粉絲煲來送飯。梅醬荔芋鴨($68): 甜過頭。素鴨唔係平時吃的炸到脆卜卜的,似係麵根造,有點奇怪,味道很像牛肉干。沙嗲牛玉金菇粉絲煲($50): 好得意,餐牌上所有牛肉都係寫成牛「玉」。外觀十份似牛肉的牛「玉」味道和口感都有8成像真。仲有好多菠蘿,青椒作配料。蛋花鮮枝竹浸莧菜($68): 上湯好清甜,無味精,清清淡淡很不錯。店舖除了提供素菜,還有很多素菜食材售賣。