すき焼 森 (荷李活道) (Closed)

（文中有訂座tips）每月一號總係身邊朋友傳來陣陣悲憤：又book唔到邊間邊間餐廳啦( •̥-•̥ )！壽喜燒界都有一間傳聞中最難book嘅餐店，令人期待有朝一日可以探店。今次首訪感覺不俗，有機會可以二訪！❝Sukiyaki Set - Lunch❞ ($580)基本上預約午飯時段黎用餐就會係享用依個set，整個set包含前菜﹑茶碗蒸﹑野菜﹑肉類四片（可自選牛肉或豬肉）﹑米飯﹑甜品及飲品。全程由師傅一對一組食客處理食材。到訪當日前菜﹑茶碗蒸都不太合口味（係櫻花蝦茶碗蒸，啱口味的話應該會很喜歡）。到野菜開始就有驚喜，例如洋蔥由外層到內層享用，甜度漸高﹑質感軟熟又帶些少爽口。麵筋口感獨特，類近於無咁煙韌嘅麻糬。到重頭戲牛肉！有四片不同部位嘅牛肉可以品嚐，肉質鮮嫩﹑脂肪比例偏低，唔算好多油花，配合蛋液更滑溜滋味～店家採用嘅壽喜燒汁甜度偏高而味濃，砂糖會粒粒依附係牛肉片之上，係我個人最喜愛嘅特色。後續嘅滑蛋牛肉飯係聽落平凡不過嘅餐點，反而係食材同處理手法上乘嘅體現，口味濃郁，米飯粒粒分明，飽一飽都要食～整體黎講，依個價錢非常抵食兼值得一試！餐點﹑服務質素都對得住價錢，即使只係為預約困難店嘅神祕感而