峰壽司 (Closed)

小妹特別鍾情有熟食既壽司店，因為可以有較多的選擇。峰壽司成為了小妹的每月心水食堂，有幾樣食物是必吃推介的！第一是燒餅風味炸魚餅，好鍾意佢上面的木魚和香蔥夠多，令到魚餅有多一份層次和口感。佢有另一款是純粹炸魚餅，口感就比較dry d，所以唔好點錯，好吃的是「燒餅風味」炸魚餅。第二是鐵板明太子薯仔。好欣賞佢是熱騰騰上菜，醬汁會發出吱吱聲。小薯仔切半平鋪整個鐵板，上面有洋蔥、三文魚、芝士、沙律醬.......仲會用火槍燒一燒表面，金黃色的，真的令人食指大動！第三是軟殼蟹手卷，軟殼蟹很大隻，吃下去啖啖肉，好正！是我食過最好吃的軟殼蟹手卷！今日新嘗試左個長腳蟹碎卷，因為見旁邊很多食客都有點。可能對佢充滿期望，所以感到比較失色，與普通壽司卷味道差不多。我下次不會再點！總括來說，峰壽司是我的心水食堂，我會keep住再來的。