大冒險家餐廳

Open Now

Now Closed

每次同朋友去迪士尼樂園，除左一定會食佢地既小食火雞脾，正餐就一定會黎到迷離莊園園區的大冒險家餐廳。今次我地入園的日子是星期六，而我地食飯既時間又係下午2時左右，避開了最多人的時間。餐廳很大，由於天氣開始涼，很多人都揀選了室外的位置，所以方便了我們揀選有冷氣的位置。跟朋友坐低後二人二話不說都揀選了最愛的套餐-人蔘燉雞湯套餐!人蔘燉雞湯套餐，套餐除了有人蔘雞湯，還有飯、泡菜同一杯飲品!泡菜味道不過不失，而重點人蔘雞湯用上全隻雞，雞入面還有糯米，湯有人蔘、紅棗，湯有淡淡的人蔘味，甘甘地，把雞先整開再飲個湯，就會飲到好鮮甜的雞味!雞很滑而且唔少肉，次次食呢個套餐都會食到好飽好滿足!每次入黎都食，證明佢真係好好食!同埋這間餐廳座位很多，有很多不同國家的美食，如印尼、日本、韓國及東南亞風味!雖然價錢比起初初開的時候貴左好多，但味道沒有改變，保持水準!而且不同節日亦會有特色的小食或飲品可以飲到，是一間不可錯過的餐廳!