炑八韓烤 (Closed)

有個朋友成日都叫我陪佢食炑八嘅下午茶，今日終於有機會聚一聚，食下野啦👏🏿我之前都有食過呢間係灣仔嘅分店，覺得下午茶好多選擇，都幾高質☺️估唔到隔個幾月再嚟就已經換咗餐牌，又多咗好多選擇，搞到我地選擇困難症又發作😂之前食過雞排蛋包飯，好好食😍但今次又想試下其他野，經過一輪內心掙扎之後，我地揀咗炭燒豬肉紫菜包飯同埋芝士年糕拉麵！每個餐都會送一串小食，上次係韓式魚糕，而今次就係火灸蜜糖年糕🙆🏿呢個組合真係第一次，我覺得唔係好夾，可能食唔慣啦。火灸之後無咩蜜糖味，反而感覺有啲油。而年糕就硬，唔夠煙韌，同埋無咩味～不過好在有配菜搭救下，泡菜同海帶都唔錯👍🏿主角出場啦！首先係炭燒豬肉紫菜包飯～紫菜包飯切成10件，份量唔多，平時細食嘅我都可以一個人食得晒！未食都可以聞到好香嘅麻油味，睇落幾足料，基本嘅都有齊。炭燒豬肉無咩特別，同普通烤肉無咩分別，味道亦都一般，唯靠點韓式辣醬～不過整體味道都可以，可以做得更好💪🏿另外，朋友叫咗芝士年糕拉麵🍜芝士灑係面，但應該因為啲麵唔夠熱，所以熔唔到，仲係一粒粒咁，如果改用醬應該會更好☺️味道一般，唔係好食得出韓國嘅味道，有點似公仔麵，係醬汁個方面可以再加強！年糕煙韌，夠