L.D.K. by Ufufu Café (德福廣場) (Closed)

每次諗食咩都係一個好大嘅難題，而每次唔知食咩都會簡LKD，因為每次食都係有水準嘅，今晚又選擇咗呢間餐廳，叫咗一杯抹茶紅豆、牛肉壽喜燒烏冬同埋和牛咖喱蛋包飯。每次嚟到都總會食牛肉壽喜燒烏冬，雖然以壽喜燒來講，佢唔係太正宗，但係又幾好食。烏冬都係我鍾意食嗰款，好煙靭。而佢嘅蛋包飯不嬲都好出名，今次呢個和牛咖喱蛋包飯都係我經常食嘅菜式嚟嘅。佢個和牛漢堡都好重牛味，咖喱蛋包飯嘅咖喱味都好香濃。而杯抹茶紅豆就好貼心咁將啲糖漿另外上，可以因應自己嘅喜好加甜。而我就選擇咗唔使加糖漿都已經好好飲。