Video
Read full review
2009-05-17
22 views
28.4.09每次同阿媽經過呢度都總係好多人食+等位可惜佢成12點先開門, 朝早冇乜機會去試今晚路過又反而冇乜人等, 所以就試下!一去到只係等3張2人枱有4個學生妹一黎到冇耐就比佢地入左先...都唔知點解大約等左半個鐘左右先有位.....我地前一張係外國人....佢地就有大枱卡位坐而我地就係坐好窄既枱....不公平對待點菜個陣真係有困難, 事關張枱真係細到打開餐牌都唔夠擺我地點左婆婆粗炒, 手切牛肉飽, 干扁四季豆同埋椒鹽小黃魚侍應一早講明小黃魚係得2條, 唔係相中既3條, 我地都ok婆婆粗炒: 味道好普通, 入面好少肉絲, 得d白菜, 仲要唔多味道就咸左d, 不過可接受手切牛肉飽: 3個, size我覺得細左d, 咬落唔係幾夠熱同埋個包入面有一半係空氣....餡好少干扁四季豆: 呢個算係幾滿意, 我地都係聞到隔離枱點呢樣好香先揀四季豆算係冇乜渣, 配埋d肉碎炒好香口, 而且乾身d豆唔會林晒, 幾好味椒鹽小黃魚: 呢味好唔滿意, 首先我地已經食晒之前幾樣野都未黎跟住吹左1次先有, 可惜個樣同餐牌係完全唔同呢d都唔係小黃魚黎=__=好大條.....(個刻我都唔記得影相)上面舖左好多唔知咩
每次同阿媽經過呢度都總係好多人食+等位
可惜佢成12點先開門, 朝早冇乜機會去試
今晚路過又反而冇乜人等, 所以就試下!
一去到只係等3張2人枱
有4個學生妹一黎到冇耐就比佢地入左先...都唔知點解
大約等左半個鐘左右先有位.....
我地前一張係外國人....佢地就有大枱卡位坐
而我地就係坐好窄既枱....不公平對待
點菜個陣真係有困難, 事關張枱真係細到打開餐牌都唔夠擺
我地點左婆婆粗炒, 手切牛肉飽, 干扁四季豆同埋椒鹽小黃魚
侍應一早講明小黃魚係得2條, 唔係相中既3條, 我地都ok
婆婆粗炒: 味道好普通, 入面好少肉絲, 得d白菜, 仲要唔多
味道就咸左d, 不過可接受
手切牛肉飽: 3個, size我覺得細左d, 咬落唔係幾夠熱
同埋個包入面有一半係空氣....餡好少
干扁四季豆: 呢個算係幾滿意, 我地都係聞到隔離枱點呢樣好香先揀
四季豆算係冇乜渣, 配埋d肉碎炒好香口, 而且乾身d豆唔會林晒, 幾好味
椒鹽小黃魚: 呢味好唔滿意, 首先我地已經食晒之前幾樣野都未黎
跟住吹左1次先有, 可惜個樣同餐牌係完全唔同
呢d都唔係小黃魚黎=__=好大條.....(個刻我都唔記得影相)
上面舖左好多唔知咩碎....大約係菜甫, 蔥粒, 辣椒etc....但餐牌張相冇架喎
都唔知食唔食埋d碎好.....我就擺埋左一邊就咁食條魚
唔係話條魚唔新鮮, 但根本就冇味, 冇椒鹽可言
只係求求其其炸熟左條魚, 再埋d有味既碎係上面就當係=.=
仲等左咁耐先有, 搞到我咁期待......簡直完全失望
清晒全部野之後我地點左個甜品, 揀了高力香蕉豆沙
初初同侍應點時佢話賣晒, 跟住冇耐又話有, 但就等15分鐘
一場黎到當然等la, 而且係新鮮做喎
高力香蕉豆沙: 有4粒, 上面舖滿d糖粉, 都幾靚
食落都幾鬆, 個皮類似梳乎里個d質地, 係蛋白整
初初以為只係個皮有少少香蕉味, 但入面係有香蕉同豆沙
食落都幾香, 唔會過甜, 而且新鮮, 等都係值得
食完之後都差不多收舖了, 埋單約$300
Post
