魚米家魚湯米線 (Closed)

Weekend 下午三點三， 下午茶時間，車水馬龍，通街都係人，想話搵個落腳點食餐安樂茶飯都唔係咁容易。偏偏就係呢間魚米家，仲有唔少空位，喺冇得揀嘅情況下，唯有入座。最後我選擇了墨丸雞翼魚湯米線，35蚊一碗，價錢算係合理。墨丸細細粒，有咬口 ，帶有香濃豬油味， 食落仲幾香口；但係雞翼炸過龍 ，好乾身，浸落湯之後更見劣質。而佢標榜嘅鮮魚湯，老實講係冇乜魚味，比起幾年前淡咗好多，明顯係加水加過龍，飲多幾啖仲會發現非常口渴，真係好想知究竟佢用咩魚煲嘅...不過35蚊茶餐，仲包一杯熱飲，咁嘅價位，叫做不過不失啦。