為食喵 (Moved) New Location

又到左每星期一次嘅小食時間，平時返工好忙好急，冇乜比自己放鬆下既機會。所以平時星期六都會去屋企樓下「為食喵」到同女朋友一齊食D小食，下午茶。今次叫咗炸魚柳芝士撈公仔麵，黑松露炒蛋芝士潛艇加多個炸水牛芝士。份量啱啱好，對於下午茶小食來講，足夠填飽肚仔個空隙又唔會太過多。芝士魚柳公仔麵個芝士汁好飽滿，好cheesey。雖然個公仔麵係普通公仔麵，唔係營多或者出前一丁，同個芝士汁有少少唔夾。但係芝士汁同炸魚柳嘅配合簡直係完美，個汁唔會令到魚柳個脆皮冧咗，芝士同魚柳嘅香味可以互相配合到。如果你鍾意食撈公仔麵都係一個唔錯嘅選擇。炸水牛芝士係一個幾好嘅小食，因為女朋友鍾意食芝士，叫咗泥試吓，係一個唔錯又香口嘅小食，建議咁多位芝士控試吓女朋友叫咗個黑松露炒蛋芝士潛艇，超豐滿既黑松露味，炒蛋唔會太熟，有蛋汁，個人就略嫌個麵包有啲硬，不過鍾意食潛艇又鍾意食炒蛋嘅朋友都可以試吓