Video
Read full review
2020-11-12
1235 views
又係太耐冇食，唔食唔得系列🤣上個月尾已經同同事夾晒返工日子（又放NLP又清AL，好難齊人）約lunch去食譚仔🤣多人嘅好處就係可以瘋狂叫小食🤤所以喺一決定約譚仔果刻起，已經list好晒要食啲咩😅！！雖然等咗差唔多半個鐘，但完全無減我高昂嘅興致！樂富鋪門面都唔細，但得兩三個遮遮...一個出單、一個喺門口帶人、仲有一個圍繞全場輪住落單...落單5碗米線5份小食同飲品...又冇覆單...落完即去下張枱繼續落單...心諗...落錯單嘅機會好似好大...但結果話你知！要相信三哥遮遮！🙌🏻雖然冇乜遮遮；超多客，但出單都好快，10分鐘內都嚟齊晒我哋5碗米線～小食就陸續嚟緊喇～～～我叫咗我最愛嘅雞肉蕃茄湯紅薯粉小辣。但好可惜，今次唔知點解⋯⋯一啲啲都唔辣⋯⋯每次都會有個疑問⋯⋯每間鋪，每次食，每碗嘅辣度都會有分別⋯⋯有時小辣會勁辣，飲完 成杯凍飲都解唔到辣；有時小辣一啲都唔辣，食完 成碗都可以唔洗飲嘢⋯⋯今次係有啲可惜啦～（三哥同譚仔嘅蕃茄湯好唔同，喺好耐之前啱啱出嘅時侯食過一次譚仔嘅蕃茄湯，係勁hea一碗普通湯米線，加咗兩舊蕃茄喺面，唔知依家仲係未咁，但一啲都唔想再喺譚仔試蕃茄湯了～～🤣）同事試咗新
上個月尾已經同同事夾晒返工日子（又放NLP又清AL，好難齊人）約lunch去食譚仔🤣多人嘅好處就係可以瘋狂叫小食🤤所以喺一決定約譚仔果刻起，已經list好晒要食啲咩😅！！
雖然等咗差唔多半個鐘，但完全無減我高昂嘅興致！
樂富鋪門面都唔細，但得兩三個遮遮...一個出單、一個喺門口帶人、仲有一個圍繞全場輪住落單...
落單5碗米線5份小食同飲品...又冇覆單...落完即去下張枱繼續落單...心諗...落錯單嘅機會好似好大...
但結果話你知！要相信三哥遮遮！🙌🏻
雖然冇乜遮遮；超多客，但出單都好快，10分鐘內都嚟齊晒我哋5碗米線～小食就陸續嚟緊喇～～～
我叫咗我最愛嘅雞肉蕃茄湯紅薯粉小辣。但好可惜，今次唔知點解⋯⋯一啲啲都唔辣⋯⋯
每次都會有個疑問⋯⋯每間鋪，每次食，每碗嘅辣度都會有分別⋯⋯有時小辣會勁辣，飲完 成杯凍飲都解唔到辣；有時小辣一啲都唔辣，食完 成碗都可以唔洗飲嘢⋯⋯今次係有啲可惜啦～
（三哥同譚仔嘅蕃茄湯好唔同，喺好耐之前啱啱出嘅時侯食過一次譚仔嘅蕃茄湯，係勁hea一碗普通湯米線，加咗兩舊蕃茄喺面，唔知依家仲係未咁，但一啲都唔想再喺譚仔試蕃茄湯了～～🤣）
雞肉蕃茄湯轉紅薯粉小辣
$38
57 views
0 likes
0 comments
同事試咗新出嘅酸辣魚片米線，評語係覺得唔夠酸，可以再加酸。
酸辣魚片米線
$47
52 views
0 likes
0 comments
麻辣涼拌汁雲耳 - 係未減咗價？$12碟，好細碟
麻辣涼拌汁皮蛋 - 我哋 5個人，叫一碟唔夠分呀🤣
土匪雞翼 - 香！
蒜泥白肉（大） - 蒜泥白肉真係點食都唔厭，但要做好 食完同人講嘢會分享到呢股濃郁香氣 嘅覺悟🤣
重慶口水汁豬耳 - 遮遮刀功要再練練呀～好多都未砌斷，連住咗好大舊。
Post
