Fork Eat (Closed)

上次去松記途中，接到forkeat嘅傳單，咁就去試下，去到先知道又係包場，又係得兩張櫈一張吧檯。本來想叫雞，但一定要半隻起計，百幾蚊，放棄咗。叫個咩usda烤牛小排温泉蛋飯。牛肉片幾生，應該得大約3成熟，但冇血水，色澤鮮明，脂肪幾均勻（睇相），配少少沙律醋，口感相當好，牛肉味幾濃，份量亦都算多。温泉蛋蛋黃幾杰，蛋味一般啦，飯係黃薑飯黎，算煲得幾好食，顆粒分明。但係唔夠飽......叫多咗個焦糖蛋布甸，好似食緊蛋味mousse咁，濃過隻温泉蛋，甜度恰到好處，好食。埋單80蚊，用餐期間好多人黎買外賣 / 訂到會，似乎都幾好生意，呢間絕對有下次。