Video
Read full review
2014-02-09
1153 views
是日因有要事要去太古城一趟，由於因為突然上海野癮起，於是經過門口諗都冇諗就入左去。老實講，喺得太古城住宅區而非商場裏面開餐廳，已經知道應該係做街坊生意為主，所以對服務質素都冇乜抱太大期望，只要唔太難食就OK喇！不過，整體服務同一般「街坊茶記」既水平重有一段距離…酸辣湯︰算係比較中規中距，冇乜特別可言。料都算落得幾足，只可惜既係味道偏酸，唔係好夠辣味，睇黎落醋既比例重手左少少，令到整體口感相對較差。擔擔麵︰Again，好一般，比average重要差。成碗麵雖然好似肉碎果D料唔算太多，但都勉強可以接受。反而麵質方面十分失望，一食就食得出係用機一早整好，口感極差，一咬即刻散開一舊。而麵料重要唔係用生麵添，食過咁多次上海野都係第一次有咁既安排！雞火炒飯︰顧名思異，即係雞肉+火腿炒飯。配料少得可憐，不過亦都要讚吓廚師既刀功，可以將雞同埋火腿「粒」切到重細過粒米既size，成碟飯既肉加埋我諗一隻手指公既size都冇！而飯方面亦都因為炒得over左少少的緣故，令到飯身因為過多水份流失而相對乾身同硬左少少。小籠包︰個包皮夠晒薄，算係成餐飯唯一既highlight。只可惜係肉既質素真係好一般，一口咬落去
酸辣湯︰算係比較中規中距，冇乜特別可言。料都算落得幾足，只可惜既係味道偏酸，唔係好夠辣味，睇黎落醋既比例重手左少少，令到整體口感相對較差。
擔擔麵︰Again，好一般，比average重要差。成碗麵雖然好似肉碎果D料唔算太多，但都勉強可以接受。反而麵質方面十分失望，一食就食得出係用機一早整好，口感極差，一咬即刻散開一舊。而麵料重要唔係用生麵添，食過咁多次上海野都係第一次有咁既安排！
雞火炒飯︰顧名思異，即係雞肉+火腿炒飯。配料少得可憐，不過亦都要讚吓廚師既刀功，可以將雞同埋火腿「粒」切到重細過粒米既size，成碟飯既肉加埋我諗一隻手指公既size都冇！而飯方面亦都因為炒得over左少少的緣故，令到飯身因為過多水份流失而相對乾身同硬左少少。
小籠包︰個包皮夠晒薄，算係成餐飯唯一既highlight。只可惜係肉既質素真係好一般，一口咬落去已經食得出應該溝左唔少粉，口感十分「削」，好似食緊街邊檔果D劣質魚蛋咁。
整體質素只係喺average之下。值得一提既係佢要收$4一位既茶錢which我覺得完全唔值(杯茶同茶餐廳枱面果杯幾乎一樣)。同其他comment一樣，員工服務態度認真麻麻，十問九唔應，睇黎佢地真係要認真諗吓點樣改善。
Post
