澳門翠苑餐廳

Open Now

Now Closed

之前食過呢間的農夫包，印象中OK。今日唔係特別肚餓，所以叫個常餐算。不過發現價錢比之前貴好多，記得中一丶兩年前個常餐都係卅幾蚊，而家已經加到＄42！相比熟食中心其他鋪頭，呢間係特別貴。買完後返座位等佢送嚟。等咗大約10分鐘個餐就送嚟。個包d牛油溶曬，都幾脆。火腿煎蛋就麻麻地。個通粉湯底甜甜哋，但唔係好香濃。不過不失。印象中以前好食d。最嚇人係杯檬水。其實好難出事！但有陣怪味，唔知係個杯唔乾淨定個檸檬有問題，飲咗一啖想吐返出嚟！從來未飲過咁難飲的檬水。