澳門翠苑餐廳

Open Now

Now Closed

This baked farmer’s bread is super big Bigger than a head, around 4-5 fists size We tried the beef steak curry The set came with one drink and borscht, which has a few big chucks of tender beef briskets The amount of steaks is good and the bread is baked crispy Curry sauce is put in a separate bowl so it doesn’t soak the bread wet- well thought it’s a surprise that there is even table service in an indoor food market

完成「 鷹巢山自然教育徑」山行，我們乘巴士到旺角熟食中心「澳門翠苑餐廳」午膳，人均消費$49，的確是平靚正之選。咖哩牛腩農夫包、羅宋湯和凍鴛鴦。朋友推介餐廳的咖喱牛腩農夫包，麵包外脆內軟，用料有牛腩、牛筋和薯仔，咖喱汁份量很足夠，味道香濃不鹹，很棒！下次可再幫趁！祇是羅宋湯偏鹹，我將意見告訴老闆，希望他會改善！澳門豬扒包配炸薯角和澳門凍奶茶，麵包與炸薯角都是外脆內軟，配料祇有炒香的洋葱，澳門凍奶茶都唔錯。芝士西多士配凍朱古力咖啡，芝士西多士我沒有試味，但外型都見亮麗的！

今日去公司附近嘅 #旺角熟食市場 搵嘢食😋。熟食市場真係好多平靚正嘅嘢食架，遲啲再介紹多啲先！😍之前都食過呢間茶餐廳嘅農夫包，覺得幾好食，所以今日就嚟試下佢嘅下午茶餐。因為我哋有幾個同事🚶🏻，所以嗌咗幾樣嘢試吓。「西多士配薯條」🍞🍟（$34）首先講吓份西多士先，外賣盒裏面剩係得半舊多士，份量好少，兩啖就已經食晒。花生醬同蜜糖都俾得唔夠多😞，配埋多士嚟食完全唔夠。而啲薯條雖然炸得好脆，但係裏面係空心嘅，好似食緊空氣咁😫。「咖喱角拼薯條」🍟（$34）雖然寫到明得三舊咖喱角，但係感覺上份量好少，唔係咁抵食。咖喱角嘅質素好普通，係出面買到嘅貨色，食落好乾同冇乜餡，而個薯條都係一樣，唔係咁好食😩。「瑞士汁雞髀撈公仔麵」🍜🍗($37) 公仔麵份量都夠嘅，大大份而且都幾好食。隻雞髀滷得好香好入味，煮得唔太老，亦都冇乜雪味❄️。成個餐整體感覺唔錯，而且$37都唔算貴，幾抵食👍🏻。「五香肉丁煎蛋米」🍳 （$34）係一碗普通嘅米粉，五香肉丁少少辣，配埋米粉都唔錯，不過不失😲。煎蛋就仲有啲流心，咬落仲有啲蛋液流出嚟。

旺角熟食中心 係一個好有趣嘅地方，明明好就腳，但係要食飯嘅時候又好少會諗起上去食，有一日突然諗起好耐無食過農夫包，所以就上左去， 點知 翠苑 無開，唯有另擇日再戰，今次有開喇，既然為農夫包而嚟，所以毫無懸念點餐行得。 叫左兩個唔同餡嘅咖喱農夫包餐，分別係豬頸肉同牛腩，上枱嘅時候用錫紙包住，真係正宗「沙煲咁大個」，佢跟餐係包埋一個紅湯同一杯飲品，其實幾抵食。不過可能真係受呢幾年嘅大環境影響，餸嘅份量明顯係比以前少左，少到其實係唔係好夠食，已經專登搣大舊啲包夾少啲餸加埋蘸多啲咖喱汁咁食，食晒啲餸都仲有差不多半個包喺度，無奈放棄。味道其實係幾好食，同埋無論係豬頸肉或者牛腩都係煮得好好，如果肉嘅份量可以多返啲，其實真係可以經常回頭。

之前摸多一次門釘, 今次再訪試到馳名咖哩農夫包, 即叫即整, 點完餐就會有號碼牌, 放係枱上等大約10分鐘就有職員送餐跟餐會有一碗湯同一杯飲品, 鮮茄牛腩湯幾足料, 比羅宋湯更濃同埋更鹹咖哩豬頸肉農夫包 - 豬頸肉就係得面頭咁多, 十隻手指數得哂, 咁大個包嚟講就真係少咗啲, 咖哩味道香濃帶點少許辣, 豬頸肉冇怪味, 麵包雖然焗過但唔算酥脆澳門咖哩牛腩農夫包 - 反觀牛腩就多啲料, 牛腩牛筋都入味軟腍, 不過要食哂個包都係要靠點咖哩汁, 咖哩汁入面有舊煎過嘅薯仔,  唔錯

今日出左旺角行街 諗諗下好耐冇去旺角熟食中心食嘢 經朗豪坊條橋入去 就見到呢間澳門翠苑餐廳 一見到佢有咖喱農夫包 已經決定叫呢個🤣我朋友就揀第二間咖哩牛腩農夫包農夫包個皮好脆 牛腩牛筋都好淋好味 咖喱汁覺得杰左D 個羅宋湯望落普普通通 但味道又幾好 入面好足料 🫕農夫包好大個 一個人一定食唔曬😅 $63連凍飲 真係好抵🤣

行完街，純粹揾個地方坐下食少少嘢。上到嚟熟食中心，間間都無話有下午茶餐牌，只見呢間有就幫襯呢間喇。叫呿油肶配沙津，加凍檸茶，$39。以呢個熟食中心嚟講，價錢唔算特別平，因為有餐廳嘅炒粉麵飯或西式扒飯都係咁上下價錢。雞肶比想像中大啲，不過唔太夠豉油味，而且近骨位仲係紅紅地，唔多夠熟。反而沙律有啲驚喜，切到細細粒，令蔬果粒包咗好多沙律醬，而且亦夠凍。凍檸茶茶底夠濃，又唔太甜，啱我口味。既然佢話自己係澳門茶餐廳，下次嚟可以試豬扒包。

必食咖哩農夫包 , 農夫包餡料可以選擇豬🐽牛🐮雞🐥我呢啲牛魔王梗係叫牛腩🤭農夫包現點現烤 烤的超酥脆的~上面開了一個圓蓋 裡面放了滿牛腩,口感也還不錯， 牛腩都好入味，咖哩汁是另外附的，因為直接裝在農夫包裡的話怕就會變軟，一啖牛腩沾 咖哩汁配麵包 ，食得好過癮。。。雖然吃到最後肉和麵包不成比例 ，不過只有麵包沾咖哩都好好吃咖哩醬汁是加入多種葡國獨門香料製成的味道，好香濃帶點微辣好好吃~超香濃咖哩農夫飽+必喝招牌凍咖啡雖然平時我唔飲得咖啡，但係呢度嘅 咖啡我又飲到喎🥰 就算唔食嘢，都一定要飲番杯，凍咖啡，咖啡的上面好像是朱克力碎片喝了一口驚艷了一下超級香濃滑順咖哩農夫包餐，都包括羅宋湯也好好喝好香濃濃番茄味，我很喜歡番茄煮的湯，酸酸甜甜好開胃超級飽足又很滿意的一餐ps : 點完餐拿號碼牌放桌上老闆就會送到枱喔~

旺角熟食中心,地道平民FOOD COURT由朗豪坊就可以步行過去有天橋相連有時一個人行完街,唔想食太貴既飯,有時會行過去熟食中心睇下有咩好食今次呢間就係平時好出名食農夫包咖哩既翠苑但係今晚已經賣曬,食唔到咖哩,轉選了9號餐既瑞士雞脾加薯條唔好睇佢熟食中心就以為無好野,佢呢隻雞脾都好好食,瑞士汁好香濃帶甜滷得好入味雞脾啖啖肉好好食, 薯條都係即炸,曲薯條特別好食 連埋飲品先$36!仲要係全日供應非常抵食澳門翠苑茶餐廳旺角 熟食中心 2樓 8號舖平均消費$40評分7/10

有好一陣子沒來了， 在限聚下又想舒舒服服地跟家人分享， 就來外賣回家。我每次來必點咖喱農夫包套餐， 又或者常餐A。不過農夫包製作需時， 略要等10分鐘。套餐份量十足， 有蜜瓜咁大個的農夫包、 一大碗咖喱、一碗羅宋湯及飲品一杯。其實足夠兩個人吃。咖喱牛腩炆得好腍軟， 牛筋入口即溶， 薯仔都炆得好入味。農夫包熱辣辣， 外脆內軟， 因為用錫紙包住所以可以保持温度。他們的羅宋湯非常濃味， 材料十足， 最啱我們愛重口味的。最畫龍點睛就是老闆沖的凍咖啡， 夠濃味， 必試， 我每次都為了他而放棄走甜， 就是要試原味。

旺角平民之選一定係嚟依度熟食中心，款式又多，價錢又平，粥粉麵飯樣樣齊，不過今次嚟到就試一試佢特色嘅晚餐，我叫咗一個咖喱雞農夫包，等咗大約10分鐘，終於有得食了，打開眼前一張錫紙，就會見到包住大大個既農夫包，焗到外脆內軟，不過佢冇幫我將白麵包部份切出嚟，自己切感覺有點麻煩，麵包外皮切落去已經感覺到非常脆卜卜，再點上咖喱汁，好似食緊咖喱薯片咁，好好味，再試埋佢啲咖喱雞，d雞都起晒骨得返肉，依樣抵讚，啱晒我依啲懶人，咖喱雞識落軟林林又唔韌，性價比極高！

除咗搵平食，更加鐘意試下啲特別嘢😆往往好多唔起眼嘅地方都會有驚喜～就好似朗豪坊隔離嘅熟食中心咁，雖然只係一橋之隔，但唔多人知道～朗豪坊二樓嘅天橋就可以直達熟食中心，又或者喺對面綜合大樓直接搭電梯都得👍🏻👇🏻👇🏻綜合大樓二樓👇🏻一上到嚟就可以見到入口👇🏻綜合大樓都起咗十幾年啦，所以熟食中心大部分都同樣開咗十幾年～👇🏻而入去第一間就已經係澳門翠苑餐廳啦🍽翠苑嘅特大農夫包係佢地嘅招牌👆🏻每款都係60蚊💰除咗農夫包，👇🏻仲有幾款快餐、咖哩飯、中式蒸飯同下午茶等等～第一次嚟食緊係試佢招牌啦！👇🏻咖哩豬頸肉農夫包🐷🍞買完之後會有個牌仔，叫我地埋位坐低等佢送過嚟～由於佢即叫即整，所以會等耐少少～講真60蚊送埋湯同熱飲，呢個價錢可以接受嘅，反正唔係日日食😹個包同塊面差唔多大😹真係好鬼大😹餐廳仲會準備埋一對手套，方便食個包👍🏻揭開個包👇🏻，豬頸肉鋪喺中間，都有八、九舊咁上下，算多啦～而咖哩汁就另上嘅，食先倒落去或者用嚟點👍🏻咁個包就唔會比啲汁整到淋晒👍🏻👇🏻個包外脆內軟，仲熱辣辣～點埋咖哩汁食真係幾惹味，咖哩汁係比較杰身嘅，唔算辣，兜汁亦有幾舊薯仔🥔豬頸肉都唔乾身亦唔燶👍🏻食完真係大滿足😆而番茄牛腩湯都

雖然今日係紅色暴雨警告，不過好耐都無出過街行吓，唔想浪費咗一日假期。第一次嚟旺角熟食中心，比想像中大，環境正如其他熟食中心一樣，你唔會期望好乾淨。講返正題，細心嘅老闆將豬扒包切成兩份，方便客人食。個包香脆可口，豬扒都一樣，屬於實而不華。凍咖啡嚟講，算係高質素，咖啡同奶嘅比例非常好，唔會搶咗是旦一邊嘅味道。另外，將咖啡粉放喺面，飲落口嘅時候有另一種可口嘅味道。

第二次食呢度ge農夫包，好多年前食過一次，突然又想再食。經扶手電梯上樓入熟食市場，左手邊第一間小舖就係啦!扒飯想多飯冇問題，唔知飲咩好店內叔叔都會介紹，因為糾結緊要奶茶定咖啡，佢就叫我飲鴛鴦。終於叫完野食，因為係熟食市場，大家隨便見到有位就可以坐，呢間小店會送野食到你ge位置，坐定定等野食就可以了。扒飯多飯真係好多飯，好快送到。農夫包要等十幾分鐘左右，熱辣辣送上，咖哩汁另上，唔怕浸林個包。個凍咖啡同熱鴛鴦都不錯

叫得澳門茶記 但呢兩樣招牌野都無好失敗 係個農夫包特別少少 但選擇太少 而且大多數都係港式餐記野 但用澳門做招牌就有啲差勁：食物味道一般 價錢都還可以 店舖位置都方便 如果可以加返澳門餐記獨有炒通粉 干免牛 朱古力脆脆西多士先考慮再幫襯