泰‧雅

Open Now

Now Closed

好耐冇去奧海城Food Court，下午茶時間去試下，見到呢間 泰•雅 泰國美食，望落幾靚，價錢又唔算貴，下午茶套餐價錢，一律比午餐平$10，就即管試下。話說一間泰國餐廳既食物得唔得，試下佢個青咖哩，絕對可以係其中一個指標。落單叫左青咖哩牛肉飯($48)，等左唔駛5分鐘有得拎，點知一睇個賣相，已經感覺伏左一半。青咖哩份量少得可憐，顏色灰暗，同埋青咖哩點解會有紅蘿蔔？😱多年泰菜經驗，第一次見。心諗唔緊要，如果好食既話都算。用鼻聞一聞，都算香既，但d汁太油。食一件牛肉，嘩，韌過橡筋，咬到牙痛，成舊嘔番出黎，嬲到想換😡。再食第二件，又正常番，斷斷續續，結果係大約1/3牛肉唔食得。即係大約食左4小片牛肉。然後發現，青咖哩既精髓--泰國茄子，完全係冇，換晒紅蘿蔔，好想知其實個廚邊度黎？白飯，太軟又濕，痴埋一pat，唔合格。冬瓜湯，正常味，但多油。套餐整體評價，貴+唔好食+份量太少，非常差。但睇其他人既食評又好似幾好，或者應該比多次機會佢。