Video
Read full review
2021-08-02
827 views
相信好多熱愛韓國文化嘅香港人都有一個目標，就係搵到「韓國味嘅炸醬麵」。我都唔例外，喺呢條路上面亦都唔孤獨，但可惜今次係想介紹中伏嘅經歷。喺openrice上面好評都唔少，「還原到喺韓國食到嘅炸醬麵味！」呢啲評語此起彼落。試！即管試！一入到去因為朋友有book位嘅，點知安排咗我哋坐喺隔離燒肉嘅舖頭入面，以為兩間舖係互通可以燒肉舖叫隔離炸醬麵舖嘅嘢食原來係唔得嘅。問咗好耐先知原來炸醬部門係「不設訂位」但打電話嗰陣冇講，ok咁照等入座。店員服務都係由得你嘅態度咁，食就食唔食就罷啦～同朋友叫咗炸醬麵、辣海鮮麵짬뽕、糖醋肉、豬腳。炸醬麵麵體幾好食，但嗰醬唔夠甜。辣海鮮麵好辣，普普通通。糖醋肉好大份，呢點要讚，而且啲肉有咬口做到糯糯哋嘅口感，個汁都係偏甜。最無言都係豬腳，老實講，街市燒味舖賣嘅燻蹄仲好食，啲肉好鞋同硬，一定要點佢嘅芥末醬嚟食，配菜嘅海蜇（唔知點解係海蜇）一啲味都冇又係一定要點個汁食，但個汁因為係芥末會幾嗆鼻，成件事好好笑，呢樣喺完完全全同「韓式豬腳」扯唔上關係嘅菜式。可能同朋友有食過更加好食而且服務態度好好多嘅韓式餐廳，所以期望會高咗。下次再去食好食啲嘅嗰間一定會再介紹（喺尖東㗎且
喺openrice上面好評都唔少，「還原到喺韓國食到嘅炸醬麵味！」呢啲評語此起彼落。試！即管試！
一入到去因為朋友有book位嘅，點知安排咗我哋坐喺隔離燒肉嘅舖頭入面，以為兩間舖係互通可以燒肉舖叫隔離炸醬麵舖嘅嘢食原來係唔得嘅。問咗好耐先知原來炸醬部門係「不設訂位」但打電話嗰陣冇講，ok咁照等入座。
店員服務都係由得你嘅態度咁，食就食唔食就罷啦～
同朋友叫咗炸醬麵、辣海鮮麵짬뽕、糖醋肉、豬腳。炸醬麵麵體幾好食，但嗰醬唔夠甜。
辣海鮮麵好辣，普普通通。
糖醋肉好大份，呢點要讚，而且啲肉有咬口做到糯糯哋嘅口感，個汁都係偏甜。
最無言都係豬腳，老實講，街市燒味舖賣嘅燻蹄仲好食，啲肉好鞋同硬，一定要點佢嘅芥末醬嚟食，配菜嘅海蜇（唔知點解係海蜇）一啲味都冇又係一定要點個汁食，但個汁因為係芥末會幾嗆鼻，成件事好好笑，呢樣喺完完全全同「韓式豬腳」扯唔上關係嘅菜式。
可能同朋友有食過更加好食而且服務態度好好多嘅韓式餐廳，所以期望會高咗。下次再去食好食啲嘅嗰間一定會再介紹（喺尖東㗎且超級 #隱世 ）\( ¨̮ )/
Post
