Simplylife Bakery Cafe (Closed)

一直都覺得simply life D野幾好食，好耐之前知道葵芳開咗新分店，就已經想嚟試，不過嚟到之後，發現得好少選擇，同埋好多負評，見到啲食物相都麻麻地，所以都冇食。今次經過真係好想食，所以就入咗去。見到餐牌上面有10幾種選擇，有好多都想試，最後我哋揀咗漢堡、同溫泉蛋伴煙三文魚。餐飲方面就有冰茶、汽水、紅酒、白酒揀，反而熱檸水熱檸茶嗰啲要加$12，今日係香橙冰茶，simply life好環保，會主動提供飲管，我見在場嘅食客都冇要到飲管，依樣做得好好！