Video
Read full review
2020-02-22
764 views
又係講好多年前即係七年前，兩個人食咗六十碟，壽司大大件又足料，新鮮又好味。之後又諗諗吓食得多好似放題抵啲，所以都少食。今日放工後真係好肚餓想食少少嘢填吓肚先，壽司都係唔錯嘅選擇。平時爭鮮好多分店都會排晒隊，不過疫症除工作好多人都避免出街或者堂食，所以我哋今日嚟到呢間分店都只係得兩三枱。由於人客少所以放喺迴轉吧嘅壽司選擇亦較少，但有需要可落單即製造，不過迴轉吧有嘅會叫你喺上面拎。今次感覺店舖係整齊乾淨，店員都可以，味道當然無以前咁好，不過物價上漲咁多，依然係$8一碟，都算係咁。迴轉吧：烤三文魚腩，以前有兩件，而家得一件，都可以，可能整好都一段時間。迷你鰻魚飯，抵過鰻魚壽司好多，可能係頭尾唔整得壽司，鰻魚粒好厚肉。芝士魚籽，以為係明太子嚟添，芝士味好重。唔知係唔係蒲燒海鰻，比鰻魚薄，一般。芒果布甸。腐皮壽司，大大件，腐皮甜甜哋。芝麻八爪魚。即製壽司好好多：花之戀，三文魚厚啲會好好多。三文魚壽司。北寄貝壽司，都大件爽口。火烤海膽蝦，唔錯。
迴轉吧：
烤三文魚腩，以前有兩件，而家得一件，都可以，可能整好都一段時間。
迷你鰻魚飯，抵過鰻魚壽司好多，可能係頭尾唔整得壽司，鰻魚粒好厚肉。
芝士魚籽，以為係明太子嚟添，芝士味好重。
唔知係唔係蒲燒海鰻，比鰻魚薄，一般。
芒果布甸。
腐皮壽司，大大件，腐皮甜甜哋。
芝麻八爪魚。
即製壽司好好多：
花之戀，三文魚厚啲會好好多。
三文魚壽司。
北寄貝壽司，都大件爽口。
火烤海膽蝦，唔錯。
Post
