米線陣 (中港城)

Open Now

Now Closed

係中國客運碼頭搭船返香港，係中港城食個飯仔先返屋企！不過係無咩選擇，最後就揀米線陣食個米線！朋友仔揀個皇牌套餐，有一個米線+特選小食+飲品首先來個涼拌三絲粉皮，粉皮唔滑，麻醬唔夠芝麻味，唔夠正宗，味道一般！麻辣蕃茄肥牛餃子皇米線就來得慢啲，要催單先有！但味道係ok，麻辣惹味開胃，除左肥牛，有兩隻餃子，唔使食來食去一味餸咁寡！跟餐有杯特飲，叫左杯紅豆冰！而我就揀肥牛魚腐米線，其實佢係麻辣蕃茄湯系列，可以揀麻唔麻辣！今日少少喉嚨痛，清清地蕃茄湯底就算！蕃茄湯味濃，明顯唔係茄膏溝出來，有4舊魚腐同幾片肥牛(唔係勁肥嘅cheap cheap牛！)，份量都夠，都ok喎！