麥當勞 (Closed)

呢日唔知去乜野日營，日營之前就喺呢度食個豐富啲既早餐啦。其實，我對呢餐早餐無乜期望。因為縮水、難食已經係大部份人對M記既評價。只係唔想迫，所以先黎M記解決個早餐。香草雞扒早晨全餐令我意外既係，個雞扒比參考圖片既仲要大塊。而我個fd塊雞扒都係有我既三分之二咁大塊。個雞扒都幾好食，炸粉唔算太厚。而且肉質唔會好dry，都有啲肉汁既。佢仲有個沙律醬點既，點埋個醬仲好食。當然，其他野食就無乜期望啦。炒蛋就唔算太滑，只係一般M記既貨色。而個果醬包同以前既味道分別不大，無乜特別。而薯餅只係大量生產，真係無乜特別可言。熱朱古力朱古力味都算幾濃，喺呢日得番8度既天氣。飲落更加暖心頭。記得以前仲會加粒棉花糖，飲落更香濃架。呢餐都算幾好，因為個份量之大令我可以頂到差唔多成一點。希望下次都可以咁啦，因為食M記真係睇你有無手神保祐架啦。