魔麵 (Closed)

其實之前已見到呢間開張，而樓下果間亦即張開業。心諗開張期間搞試食會唔會係budget餐廳只求生意不求質素呢？所以初頭亦唔敢食住。到今晚，實在與朋友諗無可諗，終於上去一試。見到佢開張大約一個月到，內堂已經坐滿9成，生意好好。揭開餐牌，招牌魔麵，有幾款特底招牌湯底可以選擇，劃一價錢，想再加額外配料可以加錢。我選了豬骨湯底，朋友選擇味噌湯底。另外叫了一客芝士年糕及炸蠔。我的豬骨湯認真「落足料」，唔係好似味千咁只有顏色，但統一味道；朋友的湯底我都試左一啖，幾好但濃味左些少…炸蠔都唔算細隻，一定要熱食，再點少許醬油，一啖放入口的感覺好滿足丫~食完上黎望下食評先見到有幾個「喊喊」樣，本人覺得都唔差之餘仲幾好添。所以平日少寫食評都上黎為魔面平反一下~因為顧住同朋友傾計關係，始終未了解到「魔麵」名字的由來，有點可惜；但留意到原來這間跟同樣位於尖咀的「石澗」有關連的，怪不得芝士年糕一樣咁好食!~