Commissary (Closed)

呢排常落雨，要搵間商場內餐廳開飯傾偈，揀咗一輪決定黎呢度。雖然寫太古廣場，但其實係四樓，搭升降機去快過搵電梯（要換幾次之餘，上到咁上下仲要搵下再上果條係邊）青檸蟹肉牛油果沙律，可能落得太多青檸汁...稍稍酸啲，蟹肉望落唔少，撈好咗好似無乜咁正常味..慢煮豬肩肉玉米捲餅，賣相唔錯，容器特別好方便拎出黎，而且啲料相當夾，當中豬肩肉好腍好好味雙層芝士漢堡，我會形容係食西餐無死系列，佢都算多料係包入面，酸菜蕃茄菇菜，口感豐富。包都唔差，更正嘅係薯條，通常配粗薯，但呢度嘅幼薯連埋啲粉真係相當好味，忍唔住食咗好多烤豬肋骨，超級腍，勁夠味，成晚最好味嘅一個切開果時有啲肉離埋骨，勁香。配左上偏甜包，其實幾夾！！超級驚喜三人食埋單唔駛三百，我覺得價錢算好合理