1453 奧圖曼地中海美食(清真)

Open Now

Now Closed

和大學同學食飯，因為同學聽講呢間啲野食唔錯，於是建議黎呢度食飯。晚市唔算好爆，一入都有位坐。我地三個人叫左四樣野，一個燒雞配薯條，一個串燒配薯條，一個烤牛肉配飯，再加甜品米飯布丁。不過佢地上菜比較慢，等左差不多半個鐘先上烤雞薯條同串燒薯條。烤雞薯條約$80多元 （可選擇配飯）份量都幾多，烤雞好香串燒薯條（可配飯），記憶中這比較貴，好似要大約$100串燒好像分別是蝦肉、羊肉和雞肉（如無記錯），串燒有蝦肉倒是挺特別。可能地中海串燒的風格都係咁，大大舊肉但燒得好乾身。（其實上面的烤雞薯條的肉都係比較乾身，只不過肉碎食起來感覺冇咁強烈）唔算大適合我口味，我始終比較鍾意搽上厚厚醬汁的肉串 其實我覺得最好食係薯條，佢地炸得岩岩好夠香口。而且侍應會提供四種醬畀你任唧任點。有茄汁，薄荷醬，蒜香醬，重有一隻好似係芥末醬。個人喜歡薄荷醬和蒜香醬點薯條，前者清新後者味道夠重夠香口，唔會齋咬薯條口淡淡。另外有個烤牛肉配飯再等左半個鐘至到，味道都唔錯，但唔記得影相。甜品米飯布丁。本來好期待呢個。同學去土耳其旅行時食過一次這種甜品，是有淡淡米飯香，味道很好。不過呢間店就做得較普通，據同學說比較偏甜了一些。我個人