Video
Read full review
2020-10-04
349 views
前牌放假冇乜嘢做，就落咗筲箕灣食好西！屋企人話筲箕灣有一間好出名嘅沙嗲好似好好食，所以走去買幾串返嚟試吓。本來我都抱住好大期望㗎，點知一去到嗰度，就叫我地等20分鐘之後先返嚟，所以我哋決定咗去食個下午茶之後先過嚟買外賣。到我哋食完野之後就過去買，點知店員嘅態度勁惡劣，可能因為人哋好出名啦，所以見到我哋淨係買兩串就眼超超之餘仲要態度勁差勁串咀，不過咁，本着想試吓味道嘅心情點都要買兩串試吓嘅！身為有印尼血統嘅小妹，食咗咁多年印尼菜，對於印尼菜本身都有一定嘅要求！食完呢隻串燒之後我就覺得麻麻地啦！今次我哋買咗豬肉既串燒，首先佢哋嘅醬汁比較稀，令到醬汁完全掛唔到喺串燒上面，所以食唔岀沙嗲醬嘅味道，另外豬肉肉質比較韌，會食到顆粒狀嘅醃料，但係香料嘅味道唔強烈。小妹完全真心失望左，亦都冇興趣試佢鋪頭其他食品lu!可能大家會覺得小妹一開始比店員嘅態度先入為主左，但係小妹覺得店員嘅服務同態度，都係代表嗰間餐廳嘅其中一種重要元素，如果店員嘅服務態度差嘅話，就算間餐廳幾好食都好，你都已經冇心情去品嚐，所以如果你問小妹嘅話，我絕對覺得呢一間餐廳係一間伏食，就算係一間幾出名嘅餐廳都好，如果對顧客都用咁樣嘅方式
屋企人話筲箕灣有一間好出名嘅沙嗲好似好好食，所以走去買幾串返嚟試吓。
本來我都抱住好大期望㗎，點知一去到嗰度，就叫我地等20分鐘之後先返嚟，所以我哋決定咗去食個下午茶之後先過嚟買外賣。到我哋食完野之後就過去買，點知店員嘅態度勁惡劣，可能因為人哋好出名啦，所以見到我哋淨係買兩串就眼超超之餘仲要態度勁差勁串咀，不過咁，本着想試吓味道嘅心情點都要買兩串試吓嘅！
身為有印尼血統嘅小妹，食咗咁多年印尼菜，對於印尼菜本身都有一定嘅要求！食完呢隻串燒之後我就覺得麻麻地啦！今次我哋買咗豬肉既串燒，首先佢哋嘅醬汁比較稀，令到醬汁完全掛唔到喺串燒上面，所以食唔岀沙嗲醬嘅味道，另外豬肉肉質比較韌，會食到顆粒狀嘅醃料，但係香料嘅味道唔強烈。小妹完全真心失望左，亦都冇興趣試佢鋪頭其他食品lu!
可能大家會覺得小妹一開始比店員嘅態度先入為主左，但係小妹覺得店員嘅服務同態度，都係代表嗰間餐廳嘅其中一種重要元素，如果店員嘅服務態度差嘅話，就算間餐廳幾好食都好，你都已經冇心情去品嚐，所以如果你問小妹嘅話，我絕對覺得呢一間餐廳係一間伏食，就算係一間幾出名嘅餐廳都好，如果對顧客都用咁樣嘅方式嘅話，我深信就算食品幾好味都好，都唔會令到食客有再想光顧嘅衝動啦！
P.S呢度要講聲唔好意思，因為趕頭趕命冇影到串燒本身嘅樣，不過事後先發覺原來佢俾我哋個包裝都唔係印住自己餐廳名，真係好奇怪。
Post