茶餐廳2.0 (Closed)

茶餐廳2.0是我經常與屋企人去醫肚的餐廳之一，原因無他， 地點方便就腳， 卻又唔會一大棚人 高談闊論 勁嘈勁似街市， 連食餐飯都唔舒服。 座位多無論室內室內， 想涼冷氣，可以， 想享受獅子山美景，也可以。 最重要是餐廳供應食物款式選擇多， 由扒類， 到丼飯， 到各種中式套餐， 也有選擇，無論是大小朋友，總有合適。每個套餐都包餐湯餐飲，西餐仲有塊包tim!羅宋湯夠料多，白湯唔會稀汪汪，麵包有烘過，外脆香軟。懷舊鐵板餐澳洲西冷牛扒原塊鐵板上，上檯時仍然係熱辣辣，一口咬下肉汁滿滿又有嚼勁，，油花不算多，肉味卻濃。配菜也多，不會太肥膩。法式香草烤焗比目魚比目魚以錫紙包著烘焗， 肉汁都 鎖在裏面， 比目魚肉質細嫩，配上清新的香草同焗，特別開胃。 另外不得不提配菜和意粉也份量多 ，超飽的。鮮果雪糕雞蛋仔飯後來了個鮮果雪糕雞蛋仔，即叫即整，外脆內軟，雪糕冷冰冰， 冰火兩重天，滿足滿足❤❤