Figaro (Moved) New Location

同同事經過歌賦街食野好多次，次次都見到有間西餐定日本拉麵店對住歌賦街，成日都話下次試，但個街招d相唔吸引，我都無點理佢地。有次都係諗唔到食咩，終於入左去。因為2點幾，餐廳無乜人，見到係酒吧咁既樣，一開始我仲以為無正餐提供。老闆係香港人，上菜時係一個日本女仔拎出黎，我估係夫妻檔..？我叫左個拉麵，佢黎到同傳統個啲完全唔一樣，咁清既拉麵我都係第一次見，老細話無落味精，啲湯可以飲。我即刻啜左淡湯，好fresh呀—佢係西式既湯，唔知用咩煮，有檸檬味清新味，少少酸，真係好好飲。但麵我就得硬左啲，係硬麵，唔鍾意硬麵要叫佢地煮冧啲。啲肉都好好味，成碗野都好出色😱同事叫雞脾飯，佢都話好好味。老闆，你地出面個街招不如換過...？呢間已經列入飯堂之一。