Video
Read full review
2021-05-30
2384 views
早排個腦成日 loop 住 Viet Spa，跟住見 FB 回顧兩年前五月又正正喺越南風流快活，結果忍唔住就走咗去食有傳係全香港最好食嘅越南嘢。越發地道河內料理一直好想試，無奈佢冇得訂位，舖入面又細得十幾個位，次次經過門口都大排長龍，每次都望門興嘆。今次決心好大，冒住三十幾度高溫大汗疊細汗企喺門口排隊🥵。總算皇天不負有心人，企咗廿分鐘左右就有位，謝主隆恩🙇。一坐低，店員送上一杯水，飲一啖，濃濃嘅班蘭葉味充斥口腔，感動😭。雖然我係牛魔王，但係一場嚟到，當然要試佢哋個名物炭燒豬肉越南檬粉，呢個又叫做奧巴馬粉，因為奧巴馬 2016 年去越南外訪時喺河內食過。等食期間，叫多杯越南柑桔冰茶，柑桔每星期由越南空運抵港，味道酸中帶甜好清新，不過冰茶就略嫌甜咗少少。食物上枱，負責人過嚟介紹食法：首先將羅勒，薄荷葉，芫茜等香草摵碎（愈碎愈好）放入醬汁內，然後每次夾一份檬粉（廚師已預先將檬粉分為十小份）蘸醬汁進食。酸酸甜甜嘅醬汁入面本身已經有烤豬肉丸同烤豬肉片，一加埋香草，真係不得了，好食到飛起😍，係我食過最好食嘅炭燒豬肉檬。同負責人傾咗陣，我話呢個檬粉比我喺胡志明市食過嘅更加好食，佢解釋因為呢個係越北地
越發地道河內料理一直好想試，無奈佢冇得訂位，舖入面又細得十幾個位，次次經過門口都大排長龍，每次都望門興嘆。今次決心好大，冒住三十幾度高溫大汗疊細汗企喺門口排隊🥵。總算皇天不負有心人，企咗廿分鐘左右就有位，謝主隆恩🙇。
一坐低，店員送上一杯水，飲一啖，濃濃嘅班蘭葉味充斥口腔，感動😭。雖然我係牛魔王，但係一場嚟到，當然要試佢哋個名物炭燒豬肉越南檬粉，呢個又叫做奧巴馬粉，因為奧巴馬 2016 年去越南外訪時喺河內食過。等食期間，叫多杯越南柑桔冰茶，柑桔每星期由越南空運抵港，味道酸中帶甜好清新，不過冰茶就略嫌甜咗少少。
食物上枱，負責人過嚟介紹食法：首先將羅勒，薄荷葉，芫茜等香草摵碎（愈碎愈好）放入醬汁內，然後每次夾一份檬粉（廚師已預先將檬粉分為十小份）蘸醬汁進食。酸酸甜甜嘅醬汁入面本身已經有烤豬肉丸同烤豬肉片，一加埋香草，真係不得了，好食到飛起😍，係我食過最好食嘅炭燒豬肉檬。
同負責人傾咗陣，我話呢個檬粉比我喺胡志明市食過嘅更加好食，佢解釋因為呢個係越北地道菜，而且佢哋又將個醬汁由傳統嘅凍食轉為熱食，發覺效果更佳，更能帶出鮮味。我問佢點解 menu 冇另一河內名物雞蛋咖啡，佢話因為每杯製作時間要成七分鐘，時間上較難實行，不過佢又透露正積極研究方法，相信不久將來應可推出。
嘩，呢個真心期待😍😍。
Post
