近又吉列黑豚專賣店 (Closed)

前幾日去過豚組食飯，整體都算ok，但呢間餐廳可以係比豚組ok之中既更ok，今日收工後同同事食飯，原本係食babycafe既，但因為太多人所以無排到，行上一層睇下有無其他野食，見到呢間食豬扒既近又有芝士豬扒，同事雙眼發光話好想食呀，我心諗我前幾日先食完炸豬扒，但唔想掃佢興，就無所謂試啦，雖然都要等位，但等左5分鐘到就已經有位啦，都算有效率，呢間既芝士豬扒同豚組係有分別架，豚組係流心，呢間係夾芝士，我地叫左芝士豬扒同香蒜豬扒，侍應提示食物即叫即做，需時20分鐘到，呢方面其實做得幾好，唔使個客坐咁耐都未知幾時先有得食，咁等緊既期間，就開始磨下芝麻消磨下時間，真係差唔多20分鐘到啦，有野食啦，份量感覺比豚組多，賣相不錯，本身我比較食野重口味少少，香蒜豬扒呢個就岩哂我，香蒜既味道加上有肉汁既豬扒真係好配搭，芝士豬扒既芝士比豚組濃味得多，深色得多，感覺有d似麥當奴既芝士，兩個豬扒都做得好出色，係facebook打卡仲有兩粒雪米糍食，好得意，總結，呢間餐廳無論服務，食品都做得不錯，侍應尚算主動，食品有質素，與豚組相比各方面都出色，希望能夠繼續保持水準。