五指間蘭州牛肉麵

Open Now

Now Closed

今日喺灣仔行街行內阻夜晚想搵間快餐食，咁啱就見到呢一間連鎖式嘅中式快餐，呢間中式快餐嘅菜單非常之簡單，菜式都係得幾款，勵德呢度當然係嗌返同舖頭名一樣嘅蘭州牛肉麵，即管睇吓佢有幾咁好食。叫咗一份蘭州牛肉麵套餐，有一份薯仔絲配菜，一杯酸梅湯，同埋蘭州牛肉麵一碗，賣相就同圖片一樣普通，同佢舖頭嘅宣傳圖係好唔同。配菜同個飲品到好普通，值得一題係酸梅湯非常甜，怕甜嘅女士們要避免吓啦，牛肉麵嘅湯底係清湯，原來如果你要加其他配料就可以係檯度攞唔同嘅醬料加落去，清湯同睇落去嘅唔一樣係非常濃烈，拉麵質地就同一般陽春面一樣，軟硬度適中，就咁食嘅話，我覺得味道係正正常常，但加咗黑醋同埋辣椒油之後我覺得好食咗，非常推薦大家跟住咁樣食。