度小月 (時代廣場) (Moved) New Location

過江龍度小月都已經開咗一段時間，一直都好掛住喺台灣時食嘅味道，喺放假嘅日子又有時間出開銅鑼灣Shopping，當然唔放過呢個機會去試吓。由於已過午飯時間，所以一去到就有位比我，但未入去之前職員強調最低消費$60，其實一個飯加個小食&野飲，正常都過呢個金額，但講真，要set個最低消費嘅話，好似唔比胃口細嘅人入去食咁樣（當然只係我個人感覺啦），好彩一向眼闊肚窄嘅我，其實對我嚟講就唔成問題。坐低睇咗一陣餐牌，決定點三個小依&一碗飯先上咗滷鴨蛋，好咸跟住上個豆腐，都幾入味炸貢丸，無咩驚喜擔仔雙拼，三啖KO咗，都係好咸，最重要係超勁多味精，食完超口渴結論，都係過台灣食好過。