養心殿台式養生鍋 (Closed)

响馬鞍山唯一真正做火鍋嘅餐廳，養生殿的確係唯一一間，身為馬鞍山居民應該要覺得慶幸先係，但老實講食過兩次之後真係覺得麻麻地。無論係牛肉、豬肉、雞肉、海鮮(其實冇乜海鮮揀)，以至蔬菜，食物材料質素平平無奇，你有心搵其實行超市都買到，去citx supxx應該靚過佢。麻辣湯底食唔到麻，淨係食到鹹，另一湯底美人鍋就更加奇怪，完全係想用味道去掩蓋食材質素嘅不足，兩個湯底令我諗起食茶餐廳食快餐，比勁多紅或白汁配雞扒、牛扒、豬扒或斑塊，俾啲汁同塊雪藏扒你食一樣。要食台式火鍋都係去台灣食好啲，香港都係食返粵式或者港式火鍋比較好