明師傅甜品 (Closed)

好早食左晚餐，所以8點幾食個甜品就岩岩好，今日唔想食松記，所以過左隔離食明師傅。有啲比較特別既甜品，唔會來來去去都係雪花冰、涼粉、西米露咁。OREO布甸呢個好重OREO味，真係好似食緊OREO餅咁，不過食多兩啖覺得有點兒膩。涼爽我超鍾意飲椰青，所以叫左呢個。仲有個熱既版本但因為有我唔鍾意食既湯圓，所以無叫到。椰青入面有生果、椰果同朱古力雪糕。隔離個樽仔係椰青水，幾青甜，可惜個椰青太老，刮唔到椰青肉出黎食，我聽到隔離有一、兩枱都係咁。如果可以食埋椰青肉就100分喇。