靚粥工房料理 (Closed)

知道佢搬左去深水埗，地方大左好多，又有小菜食，於是去試下。新店安排我兩人地坐樓上，行上樓梯已經聞到好大煙味。坐低無比餐牌我地睇，問都無比，睇食評話有小食、小菜，算！就淨叫兩位海鮮粥底火鍋。我未及清潔餐具，已經馬上斟左兩兜鼓油比我地，但其中一兜，我地發現有啲灰粒，我而家唸返，可能係煙灰，算！費事出聲，自己去換過兜。另外，比左鼓油，要問先至再比辣椒。煱底(已經落埋飯)同食物都好快到，但食物質素，吾使講咁多，大家自己睇相啦，碟牛肉吾係餐內的，後加的，$30 都算抵，同埋係成餐最好食嘅一種食物。蟹，兩個人得一只細細嘅，去任食都好過佢。我地食晒食物，仲有啲飯係一舊舊，要壓爛佢同再煮多十分鐘先至食得。如果咁嘅食物質素，$188/位(無加一)，我認為吾值。覺得以前係佐敦舊店時好好多，當時成日都想去食，但只係得3、4張細枱，仲要提早個幾月打電話訂，所以去得吾多。吾知係吾係而家去多左其他店食火鍋，有得比較，定係靚粥工房差左，覺得呢餐好吾掂，未食完已經唸住去附近食蝦子雲吞麵。我以後吾會再去靚粥工房啦！