Chotto Maki (廈門街) (Closed)

邪惡指數: 🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️呢間係廈門街嘅小店其實比起隔離嗰幾間都比較突出，因為佢裝修都比較young，門面用白色為主，放咗嗰日本公仔logo幾吸睛，而入面就以白紅藍色為主，感覺整潔💁🏻‍♀️ 嘢食方面，佢有幾大類嘅壽司/卷物，卷物亦都可以比你自己揀咩餡料配咩醬汁，全部即叫即整。今次我就試咗以下幾款：⭕️ Beef-iyaki - 係佢哋嘅signature roll，一份有四大件。餡料豐富- 有燒牛肉、配青瓜絲、腐皮、牛油果等。成個配搭幾夾，不過以佢嘅size一啖真係食唔到成嚿🤣⭕️ Philadelphia - classic roll嘅一種，一份八件。 呢個夾咗肥美嘅三文魚同cream cheese，面頭鋪咗新鮮嘅牛油果同埋蟹籽，加埋Mayo，口感軟綿綿得來又有啲脆卜卜嘅口感，好食👍🏻⭕️ 自創卷物 - 呢個係俾你自由根據喜好配搭出卷物，一份八件。我諗咗勁耐先揀左吞拿魚青瓜絲配黑松露醬等，食落其實有啲啲怪😅 建議尤其是第一次嚟嘅都係跟返佢配好咗嗰啲卷物會好食啲🙃