鐵板燒·鑄

Open Now

Now Closed

Item: I M Teppanyaki and Wine
Rating: 1
Author: funnnn

I M Teppanyaki and Wine

4.5

48 Reviews

Taste

Decor

Service

Hygiene

Value

16269

Tin Hau

$401-800

Japanese Teppanyaki

funnnn

Level2

I M Teppanyaki and wine Dinner 2280+10%所謂米芝連鐵板燒先唔講食物質素同服務態度最重要既食物衛生都搞唔掂一行三人食完之後有2個人都肚屙第三個既我就又屙又嘔又發燒燒到39度 (撩左好多次鼻都係一條線)真係唔明點解鐵板燒食熟野都咁多菌再講食物質素開頭都無乜特別只係覺得所謂嘅米芝蓮都唔特別又唔驚艷唔好食又唔係但好食就更加唔係但有趣既事情發生係其中有道香煎鵝肝煎煎下個女廚師突然掉晒啲鵝肝落垃圾桶槽咁我哋就以為佢唔小心煎燶咗啦跟住後面個侍應聽到就同我哋講師傅見啲鵝肝溶咗所以換過件等到終於上碟啦喂！都係溶既 (見圖一)講真我見識少真係無係餐廳見過溶到水水地鵝肝同廚師反映啦點知佢話👩‍🍳”我頭先煎過一次都係溶架呢個係第二次煎架啦其他客人都係食呢啲無問題” 我朋友真係試左一啖仔(我無試過架) 話完全唔掂仲有啲苦👩🏽‍🦱”你自己煎第一次見溶左都覺得有問題所以掉啦煎第二次都係咁會唔會係你啲貨有問題🤡”👩‍🍳。。。。。。經理於是經理就話唔緊要話如果鵝肝唔啱食就換左帶子比你地啦係刺身帶子拎去煎咋唔係新鮮個隻不過唔緊要啦食咩我都屙晒同

Read full review

I M Teppanyaki and wine
Dinner 2280+10%
所謂米芝連鐵板燒先唔講食物質素同服務態度
最重要既食物衛生都搞唔掂
一行三人食完之後有2個人都肚屙
第三個既我就又屙又嘔又發燒燒到39度 (撩左好多次鼻都係一條線)
真係唔明點解鐵板燒食熟野都咁多菌

再講食物質素開頭都無乜特別只係覺得所謂嘅米芝蓮都唔特別又唔驚艷
唔好食又唔係但好食就更加唔係
但有趣既事情發生係其中有道香煎鵝肝
煎煎下個女廚師突然掉晒啲鵝肝落垃圾桶槽
咁我哋就以為佢唔小心煎燶咗啦跟住後面個侍應聽到就同我哋講師傅見啲鵝肝溶咗所以換過件
等到終於上碟啦喂！都係溶既 (見圖一)
講真我見識少真係無係餐廳見過溶到水水地鵝肝
同廚師反映啦點知佢話
👩‍🍳”我頭先煎過一次都係溶架呢個係第二次煎架啦其他客人都係食呢啲無問題”
我朋友真係試左一啖仔(我無試過架) 話完全唔掂仲有啲苦
👩🏽‍🦱”你自己煎第一次見溶左都覺得有問題所以掉啦煎第二次都係咁會唔會係你啲貨有問題🤡”
👩‍🍳。。。。。。經理
於是經理就話唔緊要話如果鵝肝唔啱食就換左帶子比你地啦係刺身帶子拎去煎咋唔係新鮮個隻
不過唔緊要啦食咩我都屙晒同嘔晒岀黎🫠

第一次岀左二千幾蚊比錢買難受打篇文都無力