紅樹林餐廳 (Closed)

星期六同男友去大埔食飯，已經成八點好肚餓，唔想再行就上咗火車站上面嘅"紅樹林"試吓佢哋嘅晚餐。去到已經full house，要等咗10分鐘才有位。叫咗兩個set dinner:1) 磨菇汁鴛鴦扒- 跟意粉，要羅宋湯，加凍檸水2) 茶樹菇西冷扒- 跟意粉，要羅宋湯，加凍檸茶羅宋湯都算濃，味道都ok。個餐飽熱辣辣好軟熟，正。男友個鴛鴦扒睇落就一般，塊牛扒好薄，雞扒都算ok，最攪笑係男友話把刀好鈍，連條施華力腸塊皮都切唔開。我個西冷扒原本要七成熟，但切開就只有五成熟。塊西冷扒好大，比咗大半塊男友我才免强食得晒。不過值得一提係佢個扁意粉，用咗d rosemary 來撈，很特別。這餐雖然中規中舉，但比我預期中好，不過d位真係好迫。埋單$125.5。