Video
Read full review
2023-04-01
655 views
觀塘“是靚午”，墨西哥美食。店面細細，座位舒服。優質服務態度，店員會一直照顧客人需要，亦會不停清潔整理食客枱面。食物方面 - 自選3餸Taco：墨西哥辣雞、港式沙嗲牛、天多利玉子豆腐三款主食吸收濃郁醬汁、足料，餡料多到餅皮包唔晒。辣雞︰醬汁濃稠輕甜帶微微酸辣，小朋友辣度。雞脾粒嫩滑肉味濃，頂層少量烤芝士，底層生菜蕃茄，新鮮爽脆減低油膩感，食落好開胃。翻點首選。港式沙嗲牛︰味道做得唔似傳統茶餐廳沙嗲，而且真係太咸，配一條酸甜菠蘿及烤餅蔬菜都不能平衡。全餐唯一覺得唔可以點既食物就係沙嗲牛，可惜。天多利玉子豆腐︰炸過嘅切粒玉子豆腐脆身，加上豆粒及烤餅皮，又軟又脆多重口感。不過，可能醬汁唔夠，所以味道偏淡，家中姥姥食慣重口味就覺得唔夠味。是日靚湯 - 甘荀湯︰健康素湯濃稠香甜，新鮮甘荀無青草味，微甜帶點南瓜？清香，飲完好滿足。墨西哥烤雞套餐︰半隻雞份量咁大碟，胸肉質感好似慢煮般嫩滑，表皮加調味粉煎到微脆。巨脾肉亦嫩滑入味，雞皮偏薄，油脂感低。配清淡雞肉？腸。腸衣煎得爽脆，中間肉多過脂肪，肉味濃，似手工製作。薯格炸到脆卜卜，食完都覺得熱氣，但豐富滿足嘅感覺值得放縱一次。係調味椒鹽過多，個種重鹽咸
食物方面 - 自選3餸Taco：墨西哥辣雞、港式沙嗲牛、天多利玉子豆腐
三款主食吸收濃郁醬汁、足料，餡料多到餅皮包唔晒。
辣雞︰醬汁濃稠輕甜帶微微酸辣，小朋友辣度。雞脾粒嫩滑肉味濃，頂層少量烤芝士，底層生菜蕃茄，新鮮爽脆減低油膩感，食落好開胃。
翻點首選。
港式沙嗲牛︰味道做得唔似傳統茶餐廳沙嗲，而且真係太咸，配一條酸甜菠蘿及烤餅蔬菜都不能平衡。全餐唯一覺得唔可以點既食物就係沙嗲牛，可惜。
天多利玉子豆腐︰炸過嘅切粒玉子豆腐脆身，加上豆粒及烤餅皮，又軟又脆多重口感。不過，可能醬汁唔夠，所以味道偏淡，家中姥姥食慣重口味就覺得唔夠味。
自選Taco set︰港式沙嗲牛、墨西哥辣雞、天多利玉子豆腐
$98
86 views
0 likes
0 comments
是日靚湯 - 甘荀湯︰
健康素湯濃稠香甜，新鮮甘荀無青草味，微甜帶點南瓜？清香，飲完好滿足。
是日靚湯︰濃郁甘荀湯
87 views
0 likes
0 comments
墨西哥烤雞套餐︰
半隻雞份量咁大碟，胸肉質感好似慢煮般嫩滑，表皮加調味粉煎到微脆。巨脾肉亦嫩滑入味，雞皮偏薄，油脂感低。
配清淡雞肉？腸。腸衣煎得爽脆，中間肉多過脂肪，肉味濃，似手工製作。
薯格炸到脆卜卜，食完都覺得熱氣，但豐富滿足嘅感覺值得放縱一次。係調味椒鹽過多，個種重鹽咸感係童年 (M店同款) 回憶。
最後要讚下蕃茄醬同牛油果醬，明顯係自家製作，新鮮濃厚酸甜開胃。每份餐點都會附送幾片水果瓜片，平衡健康又可以去油膩，細心位加分。
墨西哥燒雞
$98
87 views
0 likes
0 comments
套餐好大份，男士食應該夠滿足，女士一定食唔晒。無收加一服務費，性價比中級，觀塘工廈特色之選，可以一試。
建議需改善︰手機點餐後要等20分鐘先上餐，中午放飯人士就比較急趕。
Post
