宗像屋 (Closed)

間野開左幾年一直想試，但初開時本住唔平又唔知d魚生容新唔新鮮，所以一直得個想。尋日收工終於下定主意去試左 竹 。詳細唔多講，魚生容係新鮮既，之前一直卻步因爲見有食評話魚生容好碎、碎到食唔出係咩，可能店家有睇食評/改善（？） 尋日去食又未至於完全碎到分唔出。紫菜夠脆但要快手包做手卷唔係會變林。師傅加湯時熱到出煙，魚生接近全熟，茶漬飯唔會話完全唔熱，只係食左1/3碗茶漬飯左右先開始變涼。服務亦都唔錯，會再幫襯。