Video
Read full review
2021-01-18
228 views
係上年十月尾，餐廳林立既紅磡蕪湖街入面，中間開左一個新既台灣cafe，外觀非常出眾因為係紅磡呢個舊區舊街突然有間好新清，木系白色外觀既cafe，以寶島既「島」字拆開來作為「鳥山」命名。店主係台灣學咖啡，烘焙炒豆、手沖技巧無一不精，仲創立左自己既咖啡豆品牌，因為疫情關係無得返台灣，所以就係香港開左呢間cafe。Cafe主打咖啡，Menu有8成都係咖啡既種類，再配幾種甜點，可能因為店長想大家係飲咖啡為主而唔係食甜品或者打卡，每件甜點都要配一杯咖啡先可以點。如果唔鍾意飲咖啡都有2款唔係咖啡既飲品:柚子紅茶氣泡飲同玉桂水果佐熱葡萄茶。-排隊🧍🧍♀️下午2點3到cafe，入面其實已經滿座，我係排第3、4個，不過咁岩有人走，所以等左5分鐘到就入得，好好彩可以坐到好岩影相既窗口位。應該好多時都滿座，不過人流應該算去得快，人齊先可以入座。-環境🪑裝修偏日式，木系文青風，添置唔少植物、小盆栽，可以喺舖頭出邊嘅圓形窗見到咖啡師調製緊咖啡，雖然地方唔大但入去到就會有舒服既感覺。3個BAR台位，2個窗口位，有一行長櫈同埋入面有2張台可以坐榻榻米。-🍠⃣ 台中大甲芋泥卷💰45（👅: 7.5/10）芋泥卷用唔平既台
係上年十月尾，餐廳林立既紅磡蕪湖街入面，中間開左一個新既台灣cafe，外觀非常出眾因為係紅磡呢個舊區舊街突然有間好新清，木系白色外觀既cafe，以寶島既「島」字拆開來作為「鳥山」命名。
店主係台灣學咖啡，烘焙炒豆、手沖技巧無一不精，仲創立左自己既咖啡豆品牌，因為疫情關係無得返台灣，所以就係香港開左呢間cafe。
Cafe主打咖啡，Menu有8成都係咖啡既種類，再配幾種甜點，可能因為店長想大家係飲咖啡為主而唔係食甜品或者打卡，每件甜點都要配一杯咖啡先可以點。如果唔鍾意飲咖啡都有2款唔係咖啡既飲品:柚子紅茶氣泡飲同玉桂水果佐熱葡萄茶。
-
排隊🧍🧍♀️
下午2點3到cafe，入面其實已經滿座，我係排第3、4個，不過咁岩有人走，所以等左5分鐘到就入得，好好彩可以坐到好岩影相既窗口位。應該好多時都滿座，不過人流應該算去得快，人齊先可以入座。
-
環境🪑
裝修偏日式，木系文青風，添置唔少植物、小盆栽，可以喺舖頭出邊嘅圓形窗見到咖啡師調製緊咖啡，雖然地方唔大但入去到就會有舒服既感覺。
3個BAR台位，2個窗口位，有一行長櫈同埋入面有2張台可以坐榻榻米。
-
🍠⃣ 台中大甲芋泥卷💰45（👅: 7.5/10）
台中大甲芋泥卷
$45
37 views
1 likes
0 comments
芋泥卷用唔平既台灣大甲芋頭、日本麵粉雞蛋，份量唔算大，蛋捲夠濕潤，奶油夠新鮮有蛋味，芋泥質感綿密，但唔算甜，都唔算好重芋頭味，我個人唔鍾意好重芋頭味所以幾鍾意，會識到芋頭粒粒，creamy中帶有咬口既口感，層次豐富，聞落有芋頭香味。味道唔算好突出不過鍾意芋泥可以一試。
-
☕⃣ 脆焦糖Cappuccino 💰50（👅: 7.5/10）
脆焦糖Cappuccino
$50
12 views
1 likes
0 comments
每種咖啡本身有分義式拼配同單品義式，前者應該係比較正常既咖啡，後者會貴小小但甜度、口感厚實度會多D，甚至酸味都會出D。
而我點呢個脆焦糖Cappuccino係特別咖啡無得揀義式拼配或者單品義式，係Cappuccino上會有一層變成碎脆片既焦糖，食落有焦糖甜，都可以同咖啡一齊飲，我本身唔太鍾意飲咖啡好怕好酸同苦，不過呢個Cappuccino我可以接受，酸味係幾出不過唔苦，再加上焦糖配搭唔錯，唔鍾意咖啡既都可以試一試。
-
Cappuccino
$48
13 views
1 likes
0 comments
🌟本身呢間Cafe係因為芋泥卷同佢係寵物友善Cafe所以吸引到我特登黎，不過好可惜當日去無人帶毛小孩入黎，食緊途中見到有人有帶狗想入黎不過可能咁岩滿座。
-
👅味道: 7.5/10
🍴環境: 7/10
💰消費: $95 (服務費: NA)
❗ 每人最低消費一杯咖啡/飲料、每件甜點要點一杯野飲
Post
