J POT (Closed)

第三波疫情前見到呢個毛蟹湯火鍋覺得好吸引，一於約埋朋友一齊試。J pot 名字不陌生，之前吃過，火鍋有保證，而且環境寬敞，當然唔少得主角周董不停播。四人套餐相當豐富，食物款式種類多。即場放入北海道毛蟹火炙，湯底味道鮮甜。牛魔王拼盤牛魔王拼盤有煙韌富肉汁的日本和牛粒、入口即溶，雪花紋吸引的澳洲M9和牛及美國牛小排。香嫩的花雕醉雞柳，肥美的西班牙黑毛豬腩肉都好出色。海鮮拼盤海鮮拼盤好巨型，生猛海魚切開一片片，配搭海蝦、刀貝、扇貝，加埋煙燻效果，夠氣勢。黃金炸魚皮，紫菜響鈴咸蛋黃香及紫菜香都香脆惹味精緻手工拼盤手工拼盤一樣好多野食，有香脆的鬼馬油炸鬼、餡料豐富的西洋菜鮮蝦餃、彈牙的手打彈彈蝦丸、台灣三星蔥豬肉丸及牛骨濃汁牛丸。蟹籽墨魚滑墨魚滑好彈牙，仲有大量粒粒蟹籽，口感豐富。蔬菜拼盤有日本南瓜、黑木耳、白蘿蔔、娃娃菜、豆腐。食到最後仲有泡飯，保證飽肚。