十二味 (LADDER Dundas) (Closed)

平時食嘢唔係好食得辣，但係間唔中都會想食d辣嘢。今次就揀左食呢間川菜，呢道飄香毛血旺一放上台就超級香，香辣嘅氣味非常誘人，又唔會好刺鼻。毛血旺嘅主角當然係鴨血，口感嫩滑，而且辣度適中，夠曬入味。其他配菜有芽菜、青瓜、午餐肉、毛肚等都唔錯。青瓜爽脆清甜，又能解膩。除左主菜外，我地亦有叫左幾道小食，當然唔少得嘅就係紅糖糍粑。金黃色嘅糍粑炸到外脆內軟，每一舊都炸得啱啱好，沾上紅糖就更加好味。 食辣嘢亦唔少得叫嘢飲解辣，我地叫左杯慾望酸梅，黎到先知超級大杯，份量絕對足夠，酸酸甜甜好適合解辣。除咗酸梅湯之後都好推薦呢個熱情和梳打，一樣係酸酸甜甜，但就多咗"氣"喺度，好解渴解辣。👍🏼👍🏼👍🏼