山下菓子 (如心廣場) (Closed)

11點幾經過如心廣場，見到山下菓子餐廳靚靚裝修，另一邊有個小窗口有飲品賣。一心諗住試下！上網查左話開12點，咁我就行多一陣大約12點05分到。但仍然見入邊嘅員工仍在準備，似乎未ready開午市。我諗住只係買野飲，就行去問下店員，請問你哋開左未，想買嘢飲，佢話開左不過野飲要睇下我飲咩，因為唔係樣樣都準備好，我照叫左一杯炭燒烏龍芝士賴蓋，佢話要等一陣，另一杯叫左芒芒芝芝。等左大約20分鐘，有野飲啦！烏龍芝士奶蓋，味道都唔錯芒芒芝芝嘅芒果底麻麻地總結，應該都唔會再去。應該營業嘅時間未準備好，但係餐廳內有五至六名員工。又唔積極去招待客人，過咗12點都冇人喺門口準備。明明係午市，但係門口就放着一個晚市嘅餐牌，喺門口等嘢飲嘅時候，有兩個家庭入咗去，後來又出嚟話明明見到出面餐牌有佢哋想食嘅嘢，但返番出嚟佢哋睇清楚先發現係晚市嘅套餐。。。呢間餐廳嘅服務，員工，簡直就係令人白眼🙄️直至差不多12:30，我離開嘅時候，餐廳嘅小窗口，買嘢飲嘅counter，仍然未開。