博洛尼亞 (Closed)

lunch同同事出開去沙田就試左Bologne，之前聽過但未試過。第一印象ok幾新咁，但坐落見到lunch set餐牌已經覺得麻麻地吸引，求其叫左個最簡單既燒牛肉意粉。餐湯叫左紅湯，飲落非常罐頭feel，味道單調得個甜字，食唔到其他味。附送既蜜糖麵包反而係唯一唔錯既地方，甜甜地幾開胃而且質感有番咁上下咬口。Lunch個意粉黎到都見到個賣相真係幾普通，都係腸仔火腿磨菇呢d配料同兩塊薄薄既燒牛肉，d汁又係得個甜字，同茶餐廳都無咩分別。見同事d lunch set 全部都普普通通而且都食剩，整體唔覺有乜日式元素，同期待既有落差。有同事叫左個all day breakfast之類既餐望落正常d，但佢俾左淡魚柳我試，皮肉分離，肉質好稔……服務態度都麻麻有d敷衍，可能午市忙啦，但呢個價錢真係唔太值。