紅螞蟻 (Closed)

假日的沙田新城市真的多人到可怕!!想搵個位食個lunch都唔容易!!中午1點幾，想搵野食醫肚，但左好多間都要等幾十個籌以上......咁咪要等到tea time先有得食﹖行左好多，行到紅螞蟻，只係等10個號碼內....所以決定等!!等左大約半個鐘，終於有位!!有set lunch~~飯/意粉的set就$50-60幾，湯麵就$38~係呢個商場黎講都算係咁。日式雞翼髮絲麵(酸辣湯底)﹕湯底好濃味，味道唔差，但感覺味精味道好重。髮絲麵口感唔錯。雞翼有4隻，份量都算好夠，而且炸到好脆口，但近骨的位好唔熟呀!餐飲凍檸茶，淡而無味。男朋友點左乳酪蘑菇咖哩雜菜飯﹕咖哩汁好香好濃，好有椰香，蘑菇其實得幾粒，所謂的乳酪都只係上碟時面頭有一d白色汁液，完全食唔出乳酪味道。雜菜有薯仔、西蘭花等，薯仔都未煮得林，咬落生生地同埋有d爽口，好奇怪。但d汁撈飯就好正啦~勝在夠多汁好送飯!!跟餐的熱咖啡都算香濃~~都唔錯啦~~lunch假日都冇加一，埋單$95。以新城市黎講，係咁上下~可接受啦~但講味道就真係只能夠係剛好合格啦。