Hami Harmony (Closed)

上堂前繼續喺附近搵食，揀咗太子呢間Openrice入圍食店，每張枱嘅枱面都有唔同嘅民族花紋，門口有兩個好勵志嘅金句，意思係人生要有夢想，為自己而活。小食拼盤配搭特別，非常colorful，甜甜嘅番薯條、BBQ汁炸雞翼、蔥油餅配埋帶鹹香味嘅芝士條，芝士條可以拉絲，可以沾一點千島醬，諗唔到叫咩小食可以點呢個。日本帶子黑松露意大利飯非常creamy，黑松露份量非常多，每一啖飯都食到黑松露嘅香味。呢間店嘅梳打都係用鮮果茸打起，試左芒果椰子梳打同埋哈密瓜菠蘿梳打。芒果椰子梳打芒果味濃郁，哈密瓜菠蘿梳打味道相對淡一些，感覺清新。