Chez Bistro

Open Now

Now Closed

我好鍾意食法國菜，但我呢啲好casual嘅人又好怕餐廳太靜太拘謹好唔自在。所以我一直都好鍾意黎Chez Bistro，因為佢嘅餐廳氣氛優雅得黎，又唔會需要靜到圖書館咁太拘謹局束。另外呢度嘅餐廳好啱我心水，服務好食物好吃，CP值極佳！！晚餐4個course，包括餐包，前菜，湯，主菜，甜品。鴨肝配蘋果砵酒汁，煎得啱啱好，好香口，外層脆但內裡肉汁，配埋蘋果蓉砵酒汁唔會太膩，好好味！！鮮蠔周打魚湯，鮮香撲鼻，口感厚而不膩，濃郁嘅蠔香。我呢啲食肉獸牛魔王梗係要鋸扒，點少得叫炭燒美國黑毛安格斯肉眼扒，叫咗七成左右，用炭燒嘅餐廳已經好少見，燒出嚟嘅肉帶有煙燻香味，特別juicy，入口即融，脂肪和油花豐富，牛味極重，有水準～Hojicha Tiramisu 焙茶提拉米蘇，啱晒我又鍾意Hojicha又鍾意Tiramisu嘅人。個甜品有大火烘焙過後嘅茶味，多咗一股獨特嘅炭焙香，但又有tiramisu嘅口感。整體服務同水準都非常滿意，我嘅至愛餐廳。