麵屋一平安 (Closed)

有客人入黎都會哎一聲日文「いらっしゃいませ」同好多香港嘅日本餐廳好似。不過staff經常隔著幾個位咁遠大聲交談，而且係用一種聽不明的外語，感覺好似去左其他國家local大排檔。如果用cosplay來形容，就係cos左一半，但唔係好認得cos緊邊位角色的感覺。唔確定尼間餐廳是否真係sale緊自己係日本餐廳。茶水冇得自助，但係staff又好似唔係好想幫手加水。如果唔想serve客，不如好似其他日本餐廳咁叫客人自助落單自助加水啦，雙方都開心d。上菜的時候，匙羹沾著一塊異物。有可能係紙巾碎，唔完全屬於衛生問題，但俾人感覺可能唔乾淨。我哎左鰻魚飯，因為當時想食。味道好似我自己去超級市場買返來自己微波爐叮熱的感覺。為左掩蓋鰻魚本身的素質問題，比起其他日本餐廳會特意加好多source，以為落重口味就可以當冇事發生過。所以結論係，食物本身配不上標價，食物以外的方面亦不值得所收取的加一服務費。老闆應該既不是日本人又不是香港人，好似冇咩心機做。