花花世界. (Closed)

講左咁耐終於上黎食 Lunch 試，門口有玫瑰香薰，加上成個場既佈置感覺好浪漫🌹女士一定忍唔住影多兩張相。睇過評過上菜會慢，所以叫完慢慢影，但意外地上得快，可能人唔多，星期日午餐時間只有兩三檯客，食食下開始有啲人入座～食物一齊上，啲餐具靚到少女心爆發，食物如何呢？三文魚奄列沙律，原來連沙律汁都冇😮 唔清楚俾漏定點，問侍應既話會俾一兜黑醋汁，朋友覺得三文魚好食～我感覺份量較少，可能歸類為小食關係吧。我既係 Lunch set 有餐湯—磨菇湯。尚可接受，太密集一粒粒既口感搞到飲既時候覺得有少少拗口唔順喉，附上既“湯”匙好 cute 呀，但飲湯真係用唔著😂這是搞咖啡用的吧？卡邦尼意粉—賣相唔錯，味道不過不失，香草粉冇咩味道，正常一上檯要趁熱食，等多陣凍左少少就結埋一舊舊。玫瑰咖啡—賣相又幾好，飲到有玫瑰味但咖啡味道好淡…最後諗住食完加多件蛋糕，原來係冇一件件賣，一定要成SET，如果可以加一件件就好～侍應態度OK，衛生一般，入座時檯面好多一粒粒未清理好既食物碎屑～欣賞佢用心既賣相。人唔算太多，當日坐左一個幾鐘多，同姊妹邊傾邊食氣氛，都接受到，有機會會試下佢Ｄ甜品。