心一 · 影

Open Now

Now Closed

今日放假女朋友帶我去行街買衫,最後梗係要去食好嘢,去咗灣仔一間食日本菜廚師發板,仲有好好味嘅串燒。心一．影 ,日本菜 地址喺灣仔軒尼詩道318號永倫立方1樓上到餐廳地方好闊落,裝修得好有格調,如果多幾個朋友仲可以包房。今日好浪漫坐咗係一個心形嘅吧檯,檯面仲會轉顏色,同女朋友喺咁浪漫嘅氣氛食飯感覺真係好正。今日個套餐550元,每位附送大吟釀一壺。前菜沙律菜,蕃茄,味道清新,酸酸甜甜特別開胃。刺身拖羅,玻璃蝦 ,池魚,赤身拖羅好肥美,肉厚味甜。玻璃蝦味道鮮甜,肉質厚實,爽口彈牙鮮味十足。深海池魚係我最愛,口感爽滑柔嫩,味道清新,魚肉本身帶有脂肪味道特別甘香。炭火燒物燒豬腩肉,翠玉瓜,玻璃蝦,冬菇,牛舌,雞肉棒。翠玉瓜燒到啱啱好入面仲好juicy, 廚師火喉控制得好靚。燒香嘅玻璃蝦味道特別鮮甜,肉質爽口彈牙。最特別嘅就係燒雞肉棒伴上美味嘅蛋漿,味道好有層次。迷你香蔥碎吞拿魚腩飯蟹味噌湯吞拿魚腩味道鮮甜,用嚟伴飯口感好綿滑,香蔥增添味道層次。